يقول تراي جايب ملف روكو ابو ريالين


تحرجم حوالي 1500 وبعض المصادر تقول انهم 700 ( والله من الجحاده ) من خريجي كليات المعلمين والتربيه الخاصه من كل المناطق ( مدري شلون اتفقوا ) << تشيش الوزارة عليهم , وهالعالم متجمعة من فجر الله ويصايحون يبون وظايف تعليميه يقولون وش حيث الي قبلنا توظفونهم وحنا نقعد نقشر بصل ؟؟ وليه تقبلوننا دامكم موب موظفيننا ؟ المهم ان علامات الاستفهام والتعجب ملت مواقف وزارة التربية والتعليم لدرجة ان العبيد خمط له كم علامة لوقت عوزه , ويقولون عيالنا الافاضل ان معلوماتن جتهم تقول ان فيه حوالي 324 وظيفة تعليميه ( اجل صناعيه !! ) ملفوزتن بالدروج ولا تعين عليها احد وش الاسباب ولم ولماذا ومتى ..؟؟ << خبركم معلمين و طاقات تعليميه مكبوته . شفتوا الي عليه دويرتن حمرا هذا سويت معه مقابله رحمته حسيته متحمسن للوظيفه ومنقطعن قلبه , طلع من خريجي التربية الخاصه و يقول : قسم ان 1900 متعاقد على الوظائف التعليميه وحنا اولى من الغريب .. وقابلت واحدن ثاني يقول : وقسم انهم موب موظفيني عشان نقدتهم مرتن بحدا الصحف وكتبت اسمي الصريح ( ما ينفع معهم الا المعذب : س . ع . م ) وان زملاه تقديراتهم ممتاز ومعهم خبرات من مدارس اهليه و متخرجين عام 1427 هـ ولا تعينوا !! وفيه ناس خريجة 1428 هـ ومعينه !!! ومن كثرة الناس والزحمه اغمى على واحد منهم رنعته الشمس ( رهيفين عيالنا ما يتحملون ) ويقولون الشباب ترا ما سوينا تسذا الا عقب ما اجتمعنا امس مع وكيل الوزراة عبدالله المقبل و طلعنا من الاجتماع مثل ما دخلنا وهذا الي حدنا نشتكيهم . الخلاصه ان هالمشهد يتكرر له اربع سنين ...

<< توها متخرجه وطلعت حرتها بالهـ الخبر :D