ذا الباص الإسلامي مسببه هوشه بين السلفيين وإللي موب سلفيين


ابتدع مكتب الدعوه والإرشاد وسيله دعويه جديده ، الفكره منها يسوون مسجد يتنقل بين عباد الله ، وجاء استاذ جامعي مطفي النور وقال المشروع ذا خرط فاضي وضد التوجه السلفي ، ورد عليه باحث سعودي زكرتي بقولة ان المشروع دعوي مهوب اجباري ، وهالسياره إللي تشوفون فيها مصلى وموية وضوء وفرش وميكرفونات ، وناوين إنهم يوزعونها حول الكورنيش والملاعب وكذا يعني الأماكن إللي مافيها مصليات ، ويقول المدعو \" إستاذ اللسانيات \" إن هالحركه مهيب من عوايدنا ولا سلومنا الإسلاميه وضد التوجه الإسلامي وتراها بدعه مستدل بالحديث النبوي \" إن الأرض جعلت مسجدا طهورا \" ويقول إن هالمشروع يمثل هدر للمال العام في غير مكانه <= اللي يشوفك ياطول العمر يقول مهوب مهدور بشي ثاني ؟! الزبده إن الرجال حاول يرقعها وقال : وش يدريهم هاللحين إن الناس ماصلو ؟ هذا يعتبر تدخل في خصوصيات الناس وإجبارهم على نمط واحد ؟ ودي اسأله أجل وش دخل الهيئه يهشون العالم بالخيزرانه للصلاة أجل خخخ مانقول إلا ياليل أبو سلف ، وقال احد كتّاب جريدة عكاظ إن هالمشروع لاهوب تعدي على حريات الناس والصلاة مهيب إجبار وهالمشروع للموعظه وليس للجبر والله من ورا القصد ، ويقول : كنت من الأشخاص إللي يتكّون على الأرصفه وكنت أتمنى ألقى مكان أتوضى فيه وأصلي ، وأشوف المشروع إكــه ولا أحلى منه.

وعلى طاريه .. حث المكتب الدعوي على إن الدعوه تكون من الناس كلبوهم وبدأ بفكرة توزيع الإستكرات للسيارات مثل : إحذر سوء الخاتمة <= مشكله لو تلقاه منقلب وهالستكر على موتره خخخ ، ولا مثل لا سعادة مع المعصيه <= ويمرون شباب خارشين الغربي ويتنكسون خخخ ، وغيرها من الإستكرات
ومن بين الأفكار إللي طرحها المكتب الدعوي فكرة : لا تتحرك بسيارتك إلا ومعك مجموعة من الكتب والأشرطة والفتاوى لتوزيعها ، هذا مثل واحد عندنا بالحاره كاتب على موتره \" لا تترد بإيقافي لتكسير شريط الأغاني وإستبداله بشريط إسلامي \" ، ومن الأفكار ايضاء فكرة \" لا تسمح لأحد من الركاب بإرتكاب منكر في سيارتك من غيبه أو شرب دخان \" وهكذا
ومانقول إلا عسى الله يوفق الجميع لما يحب ويرضى.

من امام مكتب السلف الصالح
ترحال سلف ريال