مدري وش فيني طايح بأخبار السيارات ، شكلي مفطر مع القراين خخخخ .. المهم خبرنا اليوم يقول انه بتعاون شركة نيسان و شركة إن اي سي كورب .. سيتم بحلول عام 2010 طرح سيارات تعتمد على الكهرب ( 2010 في امريكا و اليابان .. اما حنا يا السعوديين يالله عقب عام 2012 ) و يكون تشغيلها من خلال بطاريات ليثيوم .. يعني بيحطون محطات و كل موقف فيه شاحن يتدودل خخخخخخ .. هذا غير ان الشباب في الملحق بيصيرون بدال ما يتهاوشون على شاحن الجوال يتهاوشون على شاحن موتر .. عاد يقول ماشيكو تابي ( مدير مدري وشو في شركة نيسان ) أن السيارة بيكون شكلها زي الي حطها لكم مقلع في بداية الخبر ( مراسل تسذوب خخخخ ) و ان سرعتها بدايةً بتكون 120 كيلو متر بالساعة .. و ان مدة الشحن تقريباً ...

عادة إذا بغى الواحد يحتكر شغلة معينة يقول اذا سألوه عنها " سر المهنة " ، إلا ان مجموعة من الطلاب الروس الدلوخ و الي يسمون أنفسهم " خبراء الغش في الامتحانات ".. مسوين لهم معرض يستعرضون به قدام مدرسينهم أدواتهم بالغش .. و كان منها أجزاء مجمعة من الكتب الدراسية و أساور مكتوب عليها رموز كيميائية و وريقات صغيرة يوزونها تحت الأظافر الصناعية ( اهل النظارات اغسلوا يدكم من هالطريقه ).. و من زود الملح بعد مسوين مسابقة لأقوى برشامة للعام الماضي .. يذكر ان المعرض كان يوم الثلاثاء الماضي في مدينة ييكاتيرينبرج بجنوب روسيا ولو يسمح لطلابنا يسوون معرض كان شفت العجايب ..

كل ما احاول اكتب تعليق عالصوره،،اطالع بحواجبه،،وافهّي ،،لذلك اخلي التعليق لكم

إن لم تستح،، فأصنع ما شئت ،،وفي رواية ابو سالم غفر الله له ،،ان لم تستحي،،فأصنع ما تشتهي ،،<<لعب فيك العرق الحضرمي يا صديقي ،كلنا نعرف المغني المصري تامر حسني،،راعي قضية التزوير ،، واللى انسجن بعدها سنتين ،ولكن هل تاب؟؟؟للأسف لا في مصر هاجمت عدة جرايد ومجلات المغنى تامر عشان حركات النص كم اللى يسويها ،لانهم اكتشفوا ان الشاب الِمشعِر(المشعر:كثير الشعر كالقرد) كان يستأجر بنات من شارع محمد علي ،ويعطيهم دراهم عشان يصيحون لا شافوه، يعني يعطونه جو ويحمسون البنات انهم يصيحون ويطامرون عليه ويخمخمونه ،وبدت تطلع فضايح هالشاب اللطيف و ...

كل هذي انثى وعمرها 21 ؟؟


ياجماعة وش بلا هالحريم انسعرن من تالي علينا يالشباب! خبر خوينا زيزو اللي راح للهيئة يشتكي ان وحده ترقمه وتبيه يطلع معها وابلشته لين طقت تسبده وراح يشتكيها، وهذي هاللي مغتصبه واحد مرتين! يعني نقعد ببيوتنا؟! :D هذا سلمكم الله امريكية يقال لها رشمي ديبنارين (21سنة) متهمينها انها ماسكتن جذع عمره 17 ومغتصبته مرتين، بجزيرة ترينداد عقب مخرج 10 حول الجزر الكاريبيه تجيك قبل فنزويلا بحدعش كيلو.. ماعلينا وسنترت هالخاله قبال القاضي يهاوشها وش هاللي سويتيه ذا وانتس ماتستحين ياقليلة الحيا وووو.. وقالت موب انا (ماتعووق) مهوب انا اللي حاجرته ومغتصبته ضد ارادته ببيت على هاف مون عندهم يقال ل ...

يوم السبت الي راح تزوجت جينا بنت الرئيس الأمريكي بوش من صديقها هنري هاجر .. في حفل فخم و خاص اقتصرت دعواته على 200 شخص من الأقارب و الأصدقاء .. !!و مما يذكر ان جينا بنت بوش قالت لزوجها هنري ترى نبي الطق إسلامي .. عندها قال لها : الله يلعنتس وشلون طق إسلامي و حنا بروتستانت ؟! ..و في خطاب بوش الاسبوعي قال انه مبسوط على زواج بنته من هنري .. و يذكر ان هالزواج هو أول زواج لبنت رئيس و ابوها ما زال ماسك الرئاسة .. و من اتفاقات هنري و زوجته جينا ان السكن راح يكون في مدينة بالتيمور الساحلية بولاية ميريلاند .. حيث ان الدبلوكسات هناك أرخص .. و الجدير بالذكر ( الخبر كله عشان ابز بهالكلمة ) ان هنري يشتغل في حدى شركات الطاقة ، بينما جينا تشتغل كمتدربة في ...

اكشفت شركة فليكس ويجن للسيارات عن نظام جديد بيريحنا من التلبيق بوسط الزحمات و برضو بيريح الي من قوّ الزحمة ينشبون بين المواتر !! و نظام هالتقنية هو انك تنزل من موترك و بضغطه زر وحده بالريموت يروح موترك يلبق نفسه بنفسه .. لا و بعد يقفل البيبان ان خلص .. والله ما خلوا شي هاليابانيين ( مع ان الموتر ألماني ) .. و ذكرت الشركة ان هالتقنية ما تخليك تضطر تدور موقف بالسعة عشان تقدر تفتح الباب .. و ان طريقتها بسيطة ولا يبي لها شي بس يحدد السواق المكان الي يبي يلبق فيه على شاشة نظام الملاحة ثم يشغل نظام السائق الآلى " D.S.G. " .. و الباقي يكون على الكاميرات المحطوطة في المرايا الجانبية تقيس المساحة الجانبية بدقة .. ثم بكل بساطة تلبق .. و أردف رئيس الش ...

رجاجيل يطالبون برخصة رقص شرقي <= هشومي لا يفووتك



هذا أحد نقابة المهن التمثيلية بمصر يقول إنه تقدم أكثر من 2000 وحده بعضهن جامعيات يحملن " ليسانس آداب مشخلعه " يبون تصريح إنهن يشتغلن رقاصات قبل يجي الصيف والرزق ، ويقولك رئيس لجنة التصاريح إن فيه مجموعة من الرجاجيل كانوا ماسكين سرا مع الحريم يبون تصريح رقص. وبطبيعة الحال كل عدل ومايل عندهم حلال قال الريّس "من حق أي فندق أن يقدم لنا العدد الذي يريد الحصول على تصاريح عمل له، خاصة أن معظم القرى السياحية والفنادق في مناطق شرم الشيخ والغردقة مثلا تعمل لديها فرق كاملة للاستعراض كفقرة أساسية ثابتة في الفندق أو القرية، ومن ضمن الفقرات التي تقدمها هذه ال ...

مافيش حد احسن من حد.. هالمثل صار بكل محل يستخدمونه بمصر، ومن طلعاتهم الاخيره انهم يبون يحطون مساجد خاصة للحريم ولا يعتبها اي رجال..
بحيث انه يكون لهالمساجد امامه (ايه يعني حرمه خخخ) خاصه ومؤذنة وخطيبة جمعة والدروس الدينية..هذا اللي صار بمصر الايام اللي راحت يوم ان المجلس الأعلى للشؤون الاسلامية بمصر اللي تبع وزارة الاوقاف حقتهم، يستاذنون الحريم انهم يسوون لهن مساجد خاصة ولا يعتبوتها الرجاجيل.
بس ان الأمينة العامه للمجلس القومي للحريم بمصر "فرخنده حسن" قالت ان هالطلب ماوصلنا بتكيتنا واللي ترأسه مرت الرئيس المصري. بس د. عبد الغفار هلال عضو المجلس الأعلى للشؤون الإسلامية انهم وصلهم طلب عشان يشوفون وضع هالمسكة ...

هذا الله يسلمكم ولا يثلمكم على قول جدتي واحدن شايب عاطب والدينها والظاهر ان دمه لو بيتبرع به لواحد بيسكر ,هالشايب مسكت معه انه يصممون له تابوت عشان يدفنونه لا مات بهالتابوت من شدة تعلقه بشرب هالمخزي الله يكفينا الشر .وقال هالشايب اللي اسمه بيل برامانتي (67ربيعاً خخخخ) انه مبسووط ومتشقق من الوناسة انه سوا له هالتابوت المميز على كلامه واللي يوسعه.وزودن على ذا وذاك قايل للشركة اللي تصممه ابيكم تلونونه بألوان الشراب الزينات لي.، حتى يومه استلم التابوت وهو مبسوط يقول توي مابي اموت هالحين (والله المنتهي اعوذ بالله) لا وازيدكم من الشعر بيت يوم وصل التابوت لبيته عزم القاصي والداني وملا التابوت ثلج ودحاه من هالجعاجيع (جمع جعّه :D )< ...

جايب لكم خبر وحده موت ( نبي نغير شوي من صور الزيود وحزب الله ) .. يقولك الله يسلمكم جميعا بأن الاستعدادات في المغرب لإقامة حفل زواج كوميديان فرنسي شهير من أصل مغربي بإعلاميه فرنسية شهيرة من اصل سعودي <- قويه شوي : .. ويعتبرهما البعض الأكثر إثارة في العالم في زواج ديني يتلى فيه القرآن والانجيل ( الدينا خربت ياجماعه ) في مدينة مركش جنوب المغرب حيث البنات الجميلات ..وينطلق زواج هالطخمه " ميلسيا توريو " بذاك الاطخم " جمال الديوز " الاربعاء بحسب مراسلنا في المغرب والمدمن على الحشيش في صحيفة " الصباح " المغربية الثلاثاء 6-5-2008 والذي اشار إلى أن طائرة خاصة ستقل 300 مدعو من باريس الى المغرب حيث سيستمر الاحتفال بالزواج حتى يوم الاحد المقبل .. ويقول ...